एक्सन रियालिटी सो ‘सेभेन डेज सुपर च्यालेन्ज' अनुप विक्रम शाहीले चलाउने

काठमाडौँ-  काठमाडौँ। नेपालको पहिलो एक्सन रियालिटी शो ‘सेभेन डेज सुपर च्यालेन्ज’ को होस्टमा अभिनेता अनुप विक्रम शाही अनुबन्धित भएका छन्। डिएआर मुभिजको फर्म्याटमा निर्माण हुने सोमा विभिन्न क्षेत्रका सेलिब्रेटीहरुको साथमा डिजिटल अडिसनबाट छानिएका अन्य प्रतिस्पर्धीहरुको सहभागिता रहनेछ। यस सोका विजेताले नगद १५ लाख र कार प्राप्त गर्नेछन्।

फरक प्रकृतिको सोज पहिलो पटक एक साथ दुई वटा टेलिभिजन मार्फत प्रशारणमा आउने भएको छ। नेपाल नेटवर्क टेलिभिजन र एपीवन टेलिभिजनबाट एक साथ प्रशारण हुने सोजको निर्माणमा ठुलो लगानी हुने डिएआर मुभिजका निर्देशक श्याम धितालले जानकारी दिए। ‘सेभेन डेज सुपर च्यालेन्ज’ को डिजिटल पार्टनर ओएसआर डिजिटल रहेको छ। यो सोजको प्रशारण माघबाट गर्ने लक्ष्य राखिएको पनि धितालले जानकारी दिए।

---