‘भागवत गीता’मा सुहानाको जोडी धिरज मगर

काठमाडौँ - झरना थापाले निर्देशन गर्ने ‘भागवत गीता’मा धिरज मगर सुहाना थापाको हिरो हुने भएका छन् । निर्माण टिमले सामूहिक फोटो राख्दै धिरजलाई फिल्ममा अनुबन्ध गरेको जानकारी गराएको हो । 

निर्माण टिमले पहिले नै धिरज मगरलाई फिल्म खेल्न अफर गरेको थियो तर धिरजले ४० लाख मागेपछि निर्माण टिम उनलाई लिन हच्किएको थियो । तर लामो अन्तरालपछि निर्माण टिम फेरि धिरजलाई मनाउन सफल भएको हो । धिरजले भने पारिश्रमिक भन्दा पनि फिल्मको स्क्रिप्ट नपाएकाले कुरा अगाडि नबढेको बताएका थिए ।

---

सुनिल कुमार थापा निर्माता रहेको यो फिल्म निर्माण कम्पनीबाट बन्न लागेको नवौँ फिल्म हो । ‘गोर्खाली’, ‘तकदिर’, ‘धर्म संकट’, ‘ए मेरो हजुर’ आदि फिल्म बनाएको निर्माण कम्पनीले ‘ए मेरो हजुर २’ बनाएर सक्रियता देखाएको थियो । ‘ए मेरो हजुर ३’बाट सुहानाले फिल्म खेल्दै आएकी छिन् ।