आर्यनको स्पष्टिकरण: मैले विराजदाइलाई निखिलभन्दा ठूलो स्टार भनेकै छैन

काठमाडौँ - अभिनेता आर्यन सिग्देलले आफूले फरक सन्दर्भमा बोलेको कुरालाई लिएर आलोचना र ट्रोल गरेको पाएपछि सामाजिक सञ्जालमा स्पष्टिकरण दिएका छन् । एउटा पडकास्टमा बोल्ने क्रममा आर्यनले एक्सन हिरोको कुरा गर्दा विराज भट्टको नाम लिएका थिए । आर्यनले निखिलभन्दा एक्सन हिरोको रुपमा विराजकै सम्झना आउने बताएका थिए । यही कुरालाई लिएर निखिल उप्रेतीका फ्यान सामाजिक सञ्जालमा उग्र भएपछि उनले स्पष्टिकरण दिएका हुन् । 
उनले दिएको स्पष्टिकरणमा लेखेका छन् - हिजोदेखि मेरो बारेमा केहि दुईचार जना व्यक्तिहरूले मेरो निखिल दाइ र विराज दाइको नाम जोडेर केहि अफवाह फैलाइरहेको थाहा पाएँ । खास कुरो के थियो र के भन्न खोजिएको थियो भन्ने कुराहरू नबुझी र नसोचि यसै हचुवाको भरमा र समाचाररत्चयिि हरूको हेडलाईन हेरेर नै आ(आफ्नो अभिव्यक्ति दिनुभएको रहेछ । 

बिराज र निखिल कसैसंग मेरो कुनै पनि दुस्मनी छैन । र हुने पनि छैन । खै कस्ले किन यो अफवाह फैलाइरहेको छ थाहा छैन । मैले निखिल भन्दा बिराज भट्ट निकै ठूलो क्तबच हो भन्न खोजेको थिए नत निखिल उप्रेती भन्दा बिराज भट्ट नै । दुवै नेपाली सिनेमाका  एक्सन स्टार  हुन । उनीहरू दुवैको नेपाली सिनेमा क्षेत्रमा निकै नै ठूलो योगदान छ । जुन हामी सबैलाई अवगत नै छ ।'

---

आर्यनले विराजको एक्सन फाइट दमदार लाग्ने र निखिल टेक्निकल्ली अब्बल भएको बताएका छन् । उनले दुवै हिरोको तुलना गर्न नखोजेको पनि स्पष्ट पारेका छन् । उनले दुवै हिरोप्रति बराबर सम्मान रहेको बताउँदै दुवैका लागि बराबर सम्मान रहेको पनि बताएका छन् । 'निखिल दाई र विराज दाइ मेरा निकै आत्मीय साथी मात्र नभई हामी एकदमै नजिकका फेमिली फ्रेन्ड पनि हौँ । यदि मबाट भुलचुक केही नराम्रो सन्देशहरू तपाईले पाउनु भएको छ भने त्यसलाई बेवास्ता गरिदिनुहुन हार्दिक अनुरोध गर्दछु,उनले लेखेका छन् ।