‘कमेडी च्याम्पियन ३’को अडिसन जनवरी १ बाट

काठमाडौँ-  नेपालकै सर्वाधिक सफल र चर्चित कमेडी रियालिटी सो ‘कमेडी च्याम्पियन’को तेश्रो  सिजनको अडिसन अंग्रेजी नयाँ वर्षदेखि सुरु हुने भएको छ । जनवरी ११ देखि जनवरी ३० सम्म सहभागी हुन चाहने प्रतिस्पर्धीहरुले अडिसन दिन सक्ने निर्देशक विशाल भण्डारीले जानकारी दिए । 

सहभागी हुन चाहने प्रतिस्पर्धीले पे वेल एप डाउनलोड गरेर आफ्नो भिडियो पठाउन सक्नेछन् । भिडियोको लम्बाई ५ मिनेटसम्मको हुने आयोजकले बताएको छ । हास्य क्षेत्रमा केही नयाँ गर्न चाहनेहरुका लागि यो सो सर्वाधिक सफल मानिन्छ । यही सोबाट देशले नयाँ नयाँ कमेडियनहरु पाएको छ । 

---

'कमेडी च्याम्पियन’को पहिलो सिजन हिमेश पन्तले  जितेका थिए भने दोश्रो सिजन भरतमणी पौडेलले जितेका थिए । आयोजकले भिडियो प्राप्त गरेपछि उत्कृष्टलाई छनोट गरेर फिजिकल अडिसनमा सहभागी गराउनेछ । ​थ्रि प्रोडक्शन प्रालीले यो सोको निर्माण गर्दै आएको छ ।