‘ह्यारी कि प्यारी’सँग जुधेको ‘मनसँग मन’ एक हप्ता पछि

काठमाडौँ -यसअघि माघको २० गतेलाई प्रदर्शन मिति तय गरिएको फिल्म ‘मनसँग मन’को प्रदर्शन मिति एक साता पर सरेको  छ । अंग्रेजी नयाँ वर्षको दिन निर्माताले नयाँ मिति सार्वजनिक गरेको हुन् । अब यो फिल्म माघको २७ गते रिलिज हुनेछ ।

माघ २० मा साम्राज्ञी शाह र जितु नेपाल अभीनित ‘ह्यारी कि प्यारी’ले प्रदर्शन मिति घोषणा गरेको छ । वितरक करण श्रेष्ठले नेपाली फिल्म सकभर नजुधाउने आसयसहित आफूले वितरण गरिरहेको फिल्म सार्न निर्मातालाई मनाएको बताएका छन् ।‘सकभर नेपाली फिल्म एक आपसमा जुध्नुहुन्न भन्ने मेरो मान्यता हो । एक हप्ता तलमाथि गर्दा दुवै फिल्मलाई फाइदा हुन्छ भने किन नगर्ने भन्ने आसयले हामी एकपछि पछि जाने निर्णयमा पुगेका हौँ,’ करणले भने । 

---

अरुण तामाङ र सौरभ लामाको निर्देशनमा तयार भएको यो फिल्मलाई कैलाश राइले निर्देशन गरेका हुन् । लभ स्टोरी श्रेणीको यो फिल्ममा पुष्प खड्का, वर्षा सिवाकोटी, बुद्धि तामाङ, रविन्द्र झा लगायतका कलाकारको अभिनय छ । यो फिल्मको एउटा गीतमा नायिका पूजा शर्मा र नायक पल शाहको नृत्य हेर्न सकिछ ।
यो फिल्मलाई मोफसलमा जीजीए ग्रुप र डीसीएन तथा मोफसलमा एफडी कम्पनीले वितरण गर्दैछ ।