आँचल फिलिङ ह्याप्पी विद सलमान खान !

काठमाडौँ - अन्तर्वार्तामा पहिला बोल्ने तर बोलिसकेपछि पछुताउने अभिनेत्रीमा पर्छिन् आँचल शर्मा । बोलेका कुराको आलोचना भएपछि उनी माफी माग्ने कुरामा पनि अगाडि छिन् । हालैको कुरा हो आँचललाई टिकटकलाई क्रिएटिभ चिज भएको र पब्जी बेकारको खेल भएको आसयको भिडियो अचानक भाइरल भयो ।

ट्रोलरले यो भिडियो व्यापक बनाउँदै आँचललाई जिस्काउनसम्म जिस्काए । यसमा उनले आफ्नो श्रीमान सलमान खान लाग्ने कुरा पनि जोडिएको थियो । तर धेरै पुरानो भिडियोको यो क्लिप भाइरल बनेको थियो नेपालको पब्जी टिम डीआरएसले पब्सी वल्र्ड च्याम्पियनसिपमा दोस्रो बनेर ३ करोड हाराहारी रकम जितेको खबर पछि । आँचलले क्रिएटिभ नमानेको खेलले विश्वमै दोस्रो स्थान पाएको खबरपछि ट्रोलरले उनको ‘क्लास’ लिएका हुन् । 

---

यो देखेपछि आँचल पनि के कम उनले ट्रोल पचाउन सक्ने खुबी प्रदर्शन गर्दै पब्जी च्याम्पियनसिपमा दोस्रो बनेको टिमलाई बधाई दिइन् र देशलाई गौरव गर्ने अवसर दिएकोमा धन्यवाद भनिन् । सँगै उनले लेखेकी थिइन्, ‘फिलिङ ह्याप्पी विद सलमान खान एन्ड नाइन्टी नाइन अदर्स ।’