चितवनमा ‘तिम्रो मेरो साथ’को प्रिमियर, बाेल्ड बनेर पुगिन् साम्राज्ञी

काठमाडौँ - शुक्रबारदेखि रिलिज हुने फिल्म ‘तिम्रो मेरो साथ’को चितवनमा प्रिमियर भएको छ । काठमाडौँबाहिर पनि प्रिमियर गर्ने परम्परालाई निरन्तरता दिँदै पुष्प खड्का र साम्राज्ञीराज्य लक्ष्मी शाह अभीनित यो फिल्मले पनि चितवनमा प्रिमियर गरेको हो । प्रिमियरमा उपस्थित हुन फिल्मका कलाकार पुष्प र साम्राज्ञीका अलावा सन्दिप क्षेत्री र निर्देशक एमके पौडेल पनि चितवन पुगेका थिए ।

---

त्रिकोणात्मक प्रेमकथाको झल्को दिने फिल्ममा पुष्पलाई नव अभिनेत्री इमली लामा र साम्राज्ञीको बीचमा चेपिएको प्रेमीको रुपमा प्रस्तुत गरेको ट्रेलरले झल्को दिन्छ । फिल्ममा सरोज खनाल दीपिशा केसी आदि कलाकारको पनि अभिनय रहेको छ । 

लकडाउनमा भुवन केसीसँग चलेको विवादपछि पर्दामा देखिन लागेकी साम्राज्ञीको यो फिल्मलाई चासोका साथ हेरिएको छ । महंगो पारिश्रमिक लिने साम्राज्ञीको फिल्मले दर्शक कति लोभ्याउँछ ? दर्शकसँगै निर्माता निर्देशक पनि उत्सुक भएर हेरिरहेका छन् । ‘कृष्ण लीला’बाट असफलता खेपेका पुष्प खड्काले पनि यो फिल्मलाई गर या मरको रुपमा लिएर प्रचारमा जुटेका छन् ।