वर्षा र रमेशको 'ए साथी सुन' को शीर्ष गीत रिलिज

काठमाडौँ- अभिनेत्री वर्षा शिवाकोटी र रमेश बानियाँ अभिनित सिनेमा 'ए साथी सुन' शीर्ष गीत रिलिज भएको छ । आइतबार युट्युबमा रिलिज गरिएकोे शीर्ष गीतमा अभिनेत्री शिवाकोटी र डेव्यू अभिनेता बानियाँ फिचर्ड छन् । सार्वजनिक गीतमा उनीहरुलाई रोमान्टिक अवतारमा प्रस्तुत गरिएको छ ।

सुरज अधिकारीको संगीत तथा रविना मगरकको शब्द रचना रहेको गीतमा अञ्जु पन्त र किरण भुजेलको स्वर सुन्न सकिन्छ । पोखराका रमणीय स्थानमा खिचिएको सिनेमाको सार्वजनिक गीतको भिडियामा रामजी लामिछानेको कोरियोग्राफी हेर्न सकिन्छ । लभस्टोरी, थ्रिलर र कमेडी जनराको सिनेमामा आयन खड्का, सुशिल पोखरेल, जयनन्द लामा, रमेश अधिकारी, बिमला गिरी लगायतको अभिनय छ ।

---

कृष्मा खड्का र इभान सन्जेल पनि बाल कलाकारको भूमिकामा सिनेमामा अभिनय गरेका छन् । जयनन्द लामा अभिनित अन्तिम सिनेमा ‘ए साथी सुन’ आगामी चैत १० गते रिलिज हुनेछ । राम राघव आचार्यको लेखन तथा निर्देशन रहेको सिनेमालाई बीना कार्की र सन्तोषकुमार राईले मिलेर निर्माण गरेका हुन् । इभान इन्टरटेनमेन्टको प्रस्तुतिमा निर्माण भएको सिनेमाको सह-निर्मातामा सुदीप पौडेल छन् । सिनेमालाई आरआर फिल्म्सले वितरण गर्न लागेको हो ।