जनकदीप पराजुली निर्देशक समाजको निर्विराेध अध्यक्ष

काठमाडौं -  चलचित्र निर्देशक समाजको अध्यक्षमा जनकदीप पराजुली निर्वाचित भएका छन् । अघिल्लो कार्य समितिमा महासचिव रहेका पराजुली शनिबार काठमाडौंमा सम्पन्न १५ औं साधारण सभाबाट सर्वसम्मत अध्यक्ष चुनिएका हुन् । सभाले बाँकी पदाधिकारी पनि सर्वसम्मत चुनेका हुन् । 

शनिबार भएको सभाले  उपाध्यक्षमा सुभाष गजुरेल र दीपशिखा खड्का, महासचिवमा अरुणकुमार प्रधान, सचिवमा देवेन्द्र पाण्डे, कोषाध्यक्षमा समुन्द्र भट्ट, सहकोषाध्यक्षमा राज बस्न्यातलाई सर्वसम्मत चुनेको हो ।

---

यसैगरी, सदस्यहरुमा दीपक वली, सौरभ चौधरी, अम्बर ओली, सत्यराज चौलागाईं, उत्सव केसी, अमृतमान महर्जन चयन भएका छन् भने सह सदस्यमा भने सीमा गुरुङ्ग र रामकुमार श्रेष्ठ चयन भएका छन् ।

अध्यक्ष भएपछि जनकदीप पराजुलीले स‌ंस्थालाई सबल बनाउनुका साथै सदस्यका लागि  सीप अभिवृद्धिका कार्यक्रम अगाडि बढाउने बताएका छन् । उनले महासचिव हुँदा पनि यूएनडीपीसँग मिलेर लेखक निर्देशकका लागि विभिन्न  विषयमा प्रशिक्षण कार्यक्रम सञ्चालन गरेका थिए ।