‘नाईँ नभन्नू ल ६’को डान्सिङ गीत ‘तलाउमा ढुंगा नहान’ सार्वजनिक

काठमाडौँ -  रिलिजको संघारमा रहेको फिल्म ‘नाईँ नभन्नू ल ६’ले तेस्रो गीत सार्वजनिक गरेको छ । ‘तलाउमा ढुंगा नहान’ बोलको गीत डान्सिङ शैलीको छ । गीतमा फिल्मका मुख्य कलाकार आशिर्वाद क्षेत्री र आँचलले नृत्य गरेका छन् ।

मेलिना राई र राजनराज सिवाकोटीको स्वर रहेको गीतमा वसन्त सापकोटाले संगीत दिएका छन् । रचनाकार पनि सापकोटा स्वयं हुन् । गीतको कोरियोग्राफी कविराज गहतराजले गरेका हुन् ।यसअघि निर्माण टिमले ‘दिउँला माया’ र शीर्ष गीत सार्वजनिक गरेका थिए । 

---

विकाश आचार्यको निर्देशन रहेको फिल्म वैशाख १ मा सार्वजनिक प्रदर्शन हुँदैछ । फिल्मलाई झापा, इलामका रमणीय ठाउँमा सुटिङ गरिएको छ । फिल्मको केही भाग काठमाडौँमा सुटिङ गरिएको हो ।आशिवार्द र आँचलबाहेक फिल्ममा प्रियंका कार्की, सरोज खनाल, अथर्व लुइँटेल, एभलिना खड्का आदिको अभिनय रहेको छ । फिल्ममा अनुभव रेग्मी अतिथि भूमिकामा रहेका छन् ।