वैशाख १५ मा रिलिज हुने भयो ‘प्रसाद २’

काठमाडौँ- चैत्र २४ गते उच्च अदालत पाटनको अल्पकालीन अन्तरिम आदेशका कारण रोकिएको फिल्म ‘प्रसाद २’को प्रदर्शन अब नयाँ मितिमा हुने भएको छ । यो फिल्मको निर्माणपक्षले फिल्मलाई आउँदो वर्षको वैशाख १५ गते रिलिज गर्ने पक्का भएको छ । उच्च अदालत पाटनले फिल्म रोक्नु सुविधाजनक नहुने भन्दै अन्तरिम आदेश सुनाएपछि फिल्म रिलिजको बाटो खुलेको थियो ।

आर्थिक लेनदेनको विषयलाई लिएर विवाद बढेपछि यो फिल्मको प्रदर्शन रोक्ने भन्दै केशव पाण्डेले फिल्म रोकी पाउँ भनी अदालतमा मुद्दा दायर गरेका थिए । पाण्डेले फिल्मका एक निर्माता सुवास थापालाई ६२ लाख दिएको तर सो पैसा फिर्ता नपाएको भन्दै प्रहरीसँगै चलचित्र विकास बोर्डमा पनि उजुरी दिएका थिए । 

---

अब, यो फिल्मलाई वैशाखको १५ गतेबाट देश र विदेशमा रिलिज गर्ने निर्देशक सुदर्शन थापाले बताएका छन् । यो फिल्ममा विपिन कार्की, केकी अधिकारी, अर्पण थापा, महेश त्रिपाठी लगायतका कलाकारको मुख्य भूमिका छ । सुभाष थापाको प्रस्तुतिमा तयार भएको फिल्मका निर्माता सुदर्शन बस्नेत हुन् । सुशिल पौडेलले यो फिल्मको कथा लेखेका हुन् ।