सिमानामा काँडेतार लगाउन प्रेरित गर्दै 'काँडेतार'काे शीर्ष गीत

काठमाडौँ- सीमामा काँडेतार लगाउनु पर्ने अभियानकाे नेतृत्व गर्दै आएका कलाकार नवल खड्काले साेही विषय समेटेर फिल्म निर्माण गरेका छन् ।  ‘काँडेतार’ शीर्षकमा बनेको फिल्मले यही भाव समेटेको पहिलो गीत सार्वजनिक गरेकाे छ ।    को शीर्ष गीत सार्वजनिक भएको छ । शनिबार इन्टरनेटमार्फत सार्वजनिक गरिएको ‘काँडेतार’ बोलको गीतमा नवल खड्का, सुरविना कार्की, गौरव पहारी लगायतका कलाकारको अभिनय रहेको छ । नयाँ वर्षको अवसरमा सार्वजनिक गीतले राष्ट्रिय हितको पक्षमा उभिन आह्वान समेत गर्छ ।

गीतमा गौरव पहारी, रेविका गुरुङ, प्रशान्त यादव, मुरलीधरण, प्रेम सुब्बा, सञ्जल खतिवडा, रोमियान लिम्बू, पुष्पा श्रेष्ठ, रवि शाह समेत फिचर्ड छन् । गीतमा सत्यकला राई, राजेशपायल राई र जे पापीको स्वर छ भने संगीत मणि थापाले दिएका छन् ।

---

शब्द रचना मिलन कान्छा किराँतीको हो । फिल्मको कथा अभिनेता तथा निर्माता समेत रहेका खड्काले लेखेका हुन् । कार्यकारी निर्मातामा गायिका समेत रहेकी सत्यकला राई छिन् । माकिको राई र अन्जु केसी निर्माताको रुपमा रहेका छन् । प्रदर्शन मिति तय भइनसकेको फिल्मलाई नवल खड्काले निर्देशन गरेका हुन् ।