नेपाली कथानक चलचित्र 'सानीमाया' को शुभमूर्हत

काठमाडौँ - ८८४८ इन्टरटेनमेन्ट प्रालिको प्रस्तुति तथा धिमाल फिल्मस् को निर्माणमा बन्न लागेको नेपाली कथानक चलचित्र 'सानीमाया' को शुभमुर्हत नेपाल चलचित्र विकास वोर्डका पूर्व अध्यक्ष राजकुमार राईले गरेका छन । शुभमुर्हत कार्यक्रम बोल्दै राईले चलचित्र बनाउनु ठूलो कुरा नभएको तर राम्रो चलचित्र बनाउनु चुनौती पूर्ण रहेको बताए ।

नेपाली चलचित्रको  अवस्था  नाजुक बन्दै गएको अवस्थामा सानीमाया फिल्मले चलचित्र क्षेत्रमा एक ईट्टा थप्ने विश्वास व्यक्त गरे ।  कार्यक्रममा बोल्दै फिल्मका लेखक एवम् निर्देशक देव धिमालले  फिल्ममा धेरै कलाकारहरु नयाँ अनुहार भएको र नयाँ अनुहारले पनि गर्न सक्छन् भन्ने उदाहरण यो सानीमाया चलचित्र बाट देखिने कुरामा विश्वास व्यक्त गरे । उनले अगाडि भने, 'नयाँ बाटै पुरानो हुने हो यसकारण यस फिल्ममा पुराना र नयाँ कलाकारहरूको संयोजनले चलचित्र सफल हुने विश्वास छ' ।

---

राज चौधरी  निर्माता रहेको यस चलचित्रमा रामचन्द्र अधिकारी, शारदा गिरि ,सावित्रा चिलवाल,राजकुमार शाह ,अर्जुन थापा, स्वेच्छा ढकाल, प्रियंका श्रेष्ठ, अभिषेक फुयाल, कृष्णप्रसाद धिताल लगायत कलाकारको अभिनय रहेको छ ।     जेष्ठको दोस्रो हप्ता  बाट सुटिङ हुने निर्माण पक्षले जनाएको छ ।

ओयसआर डिजिटल चलचित्रको डिजिटल पार्टनर रहेको छ ।  शुभमूर्हत कार्यक्रममा चलचित्र कलाकार सघंका  अध्यक्ष वरिष्ठ कलाकार मोहन निरौला, चलचित्र निर्देशक समाजका अध्यक्ष जनक दिप पराजुली, ओएसआर डिजिटलका प्रोप्राइटर ॐ प्रकाश अग्रवाल, नायक सविन श्रेष्ठलगायत अतिथिहरुको उपस्थिति रहेको थियो ।