कान्समा पापाराजीले उर्वसीलाई ऐश्वर्या राय ठानेपछि

मुम्बई - यो साल बलिउडबाट कान्स फिल्म फेस्टिभलको रेड कार्पेट हिँड्ने अभिनेत्रीको ताँती लामै छ । कुनै समय ऐश्वर्या राय कान्समा रेड कार्पेट हिँड्न पाउने एक्ली अभिनेत्री थिइन् । पछि सोनमले केही समय यो मौका पाइन् । तर अहिले टन्नै अभिनेत्री कान्स पुगेका छन् ।

यो साल उर्वसी रौटेला, मृनाल ठाकुर, इशा गुप्ता, मानुषी चिल्लर, सारा अली खान आदि अभिनेत्री कान्समा पुगेका छन् । तर पहिलो पल्ट कान्समा पुगेकी उर्वसीलाई भने फ्रान्सका पापाराजीले ऐश्वर्या राय ठानेर मान मनितो गरेपछि अहिले उर्वसी ट्रोलको सिकार बनेकी छिन् । 

---

कान्सको रेड कार्पेटमा पोज दिइरहेकी उर्वसीलाई कान्सको बाहिर घुम्ने पापाराजीले ऐश्वर्या भनेर बोलाउँदै पोज दिन आग्रह गरेका थिए । सोही भिडियो अहिले सामाजिक सञ्जालमा भाइरल छ । ऐश्वर्या भनेर उर्वसीलाई सम्बोधन गर्दा उर्वसीले हाँसेर टारेकी थिइन् । उर्वसी ‘मनस्टर’ फिल्मका लागि कान्स पुगेकी हुन् ।
उता यही फेस्टिभलमा ऐश्यर्वाको भने इन्ट्री हुन बाँकी नै छ । उनी हिजो आज मात्रै कान्सका लागि छोरी आराध्यासहित उडेको समाचार आएका छन् ।