प्रदीप खड्काको मुख्य भूमिका रहने ‘कामिनो’बाट बाहिरिए सौगात

काठमाडौँ - बजारमा अहिले दुइटा अभिनेतालाई सास फेर्ने फुर्सद पनि छैन । अभिनेता हुन्, दयाहाङ राई र सौगात मल्ल । दुवैलाई फिल्मको चाप यति छ कि मरिखानु कि गरिजानु भन्ने अवस्था छ । यही अवस्थाका कारण दुवै अभिनेता कति फिल्म छाड्ने अवस्थामा पुगेका छन् ।

फिल्मको चापकै कारण सौगातले प्रदीप खड्काको मुख्य भूमिका रहने ‘कामिनो’ छाडेको खबर छ । सुरुमा फिल्मको लाइनअप सार्वजनिक गर्दा निर्माण टिमले कलाकारको सूचीमा सौगातको नाम पनि सामेल गरेको थियो । तर अहिले सौगात यो फिल्मबाट बाहिरिसकेको स्रोत बताउँछ । 

---

‘कामिनो’को सुटिङ विदेशका धेरै देशमा गर्ने चर्चा छ । यसका लागि निर्माण टिम अहिले लोकेसन खोज्न प्रदीप खड्कासहित फिलिपिन्समा छ । तर यता सौगात भने दुई भागमा बन्ने भनेर चर्चा भएको ‘अगस्त्य’को सुटिङ सुरु गर्दैछन् ।

आउँदो आइतबार सोमबारबाट यो फिल्मको भारतबाट सुटिङ गर्ने तयारी भइरहेको छ । यो फिल्मको सेड्युल ४५ देखि ६० दिन रहने बताइएको छ । यसपछि भने सौगातले ‘हात्तिछाप’, ‘फाटेको जुत्ता’ आदि फिल्मलाई समय दिनेछन् ।