धुर्मुस सुन्तलीको युट्युब च्यानल ह्याक

काठमाडौँ -  सोमबार मात्र नयाँ फिल्म सार्वजनिक भएको सीताराम कट्टेल र कुञ्जना घिमिरेको स्क्रिन नाम धुर्मुस सुन्तलीको नाममा खोलिएको युट्युब च्यानल मंगलबार ह्याक भएको छ । च्यानलमा अहिले क्रिप्टोसम्बन्धी जानकारी लाइभ भइरहेको छ ।

यो च्यानलमा सोमबार मात्र ‘म त मर्छु कि क्या हो’ शीर्षकको फिल्म रिलिज भएको थियो । आहा ओटिटीका लागि निर्माण भएको फिल्म एक वर्ष अघि नै यो ओटिटीमा रिलिज भएको थियो । धुर्मुस सुन्तलीको यो च्यानल पहिला पनि ह्याक भएको थियो । च्यानलमा धुर्मुस सुन्तलीले चेतनामुलक सामाग्री राख्ने गरेका थिए । 
चितवनको क्रिकेट रंगशाला विवादपछि भने उनले च्यानलमा धेरै सामाग्री राख्न सकेका थिएनन् । 

---