लक्ष्मी गिरी र शिव श्रेष्ठलाई बोर्डको दीर्घ साधना सम्मान

काठमाडौँ - चलचित्र विकास बोर्डले वर्षेनी प्रदान गर्दै आइरहेको दीर्घ साधना सम्मान शिव श्रेष्ठलाई प्रदान गर्ने भएको छ । विकास बोर्डले शुक्रबार दीर्घ साधनासँगै विशिष्ट सम्मान पाउने ३५ जनाको सूची सार्वजनिक गरेको हो । बोर्डले अघिल्लो वर्षका लागि यही सम्मान अभिनेत्री लक्ष्मी गिरीलाई प्रदान गर्ने निर्णय गरेको छ । 

तर विकास बोर्डले सूची सार्वजनिक गरेसँगै सम्मानका लागि छानिएका नामलाई लिएर सामाजिक सञ्जालमा असन्तुष्टि चुलिएको छ । बोर्डले सरकारको नियुक्ति पाएकालाई पनि सम्मान गर्ने सूचीमा राखेको र विना मापदण्ड नाम छानिएको भन्दै चलचित्रकर्मीले असन्तुष्टि जनाएका हुन् ।

---

जस्तो कि निर्देशक ऋषिराज आचार्य र भूपेन्द्र खड्का सरकारले नै नियुक्त गरेको सेन्सर बोर्डका सदस्य हुन् । सम्मान पाउनेको सूचीमा उनीहरूको पनि नाम छ । 
यसैगरी सार्वजनिक सूचीमा महिला चलचित्रकर्मी शिला खोज्नु पर्ने अवस्था छ । ३५ जना सम्मानित हुने सूचीमा ३३ जना पुरुष छन् भने जम्मा दुई जना महिला । यी दुई भाग्यमानीमा एक जना झरना थापा छन् भने अर्की विमला केसी ।

यसैगरी बोर्डले वर्षौँदेखि नेपाली चलचित्रमा योगदान गरिरहेकाले सम्झनु साटो एउटा अवार्ड आयोजना गरेकै भरमा युएई एनआरएनका पूर्व अध्यक्ष ठाकुर प्रसाद ढुंगानालाई सम्मानित गर्ने निर्णय गरेको छ । बोर्डले केही समय पहिले युएईमा विवादास्पद कार्यक्रम गरेको थियो । यही सूचीमा युएईकै फिल्म वितरक रमेश ढकाल पनि छन् ।