सुकुम्बासी वस्तीको पीडा र संघर्षको मार्मिक कथामा बनेको ‘आँखा’ ११ गतेदेखि प्रदर्शन हुने

काठमाडौँ- काठमाडौँको सुकुम्बासी बस्तीको कठोर जीवनशैली, गरिबीको चक्रव्यूह र समाजले भोग्नुपरेको अपमानजनक वास्तविकता लिएर फिल्म ‘आँखा’ असोज ११ गतेदेखि नेपाली सिनेमामा प्रदर्शनमा आउँदैछ। एक मिनेट ३५ सेकेण्ड लामो यो फिल्मको ट्रेलर सार्वजनिक भएसँगै यसले दर्शकको मनमा गहिरो प्रभाव पारेको छ।

जोन योञ्जनको निर्देशनमा बनेको यस फिल्मले समाजको धनी-गरिबबीचको विभेद, सुकुम्बासीहरूको संघर्ष र उनीहरूको सपनालाई पर्दामा उतार्न खोजेको छ। फिल्मले गरिब परिवारले दैनिक जीवनमा भोग्नुपरेका आर्थिक, सामाजिक र मानसिक चुनौतीलाई सजीव रूपमा प्रस्तुत गरेको छ।

---

फिल्ममा स्मीता लामिछाने, आरके मेहता, निशा अधिकारी, बुद्धि तामाङ, सरोज खनाल, पशुपति राई, विजय बराल, प्रविण खातिवडा, राजन खातिवडा, अभयराज बराल, लूनिभा तुलाधर, कृष्णभक्त महर्जन, रवीन्द्र झा र बाल कलाकार प्रशन राईको उत्कृष्ट अभिनय रहेको छ ।

फिल्मको लेखन, पटकथा, सम्पादन र निर्देशन स्वयम् जोन योञ्जनले गरेका छन्। आलोक शुक्लाको छायांकनले फिल्मका दृश्यलाई जीवन्त बनाएको छ भने दीपक आरजे र जयन जे वाइबाको संगीतले फिल्मलाई भावनात्मक रूपमा झन् सशक्त बनाएको छ।

फिल्म ‘आँखा’लाई ढाका टोपी फिल्म्स, कार्यक्रम नेपाल, साइलेन्ट एक्ट, र ट्राइडेन्ट कन्सेप्टको सहकार्यमा निर्माण गरिएको हो। कार्यकारी निर्माता नारायण प्रसाद बरालको नेतृत्वमा निर्माण भएको यस फिल्मको लाइन निर्माता राम बस्नेत र सह-निर्मात्री रेणुका कार्की ढोलीले फिल्मलाई सफल बनाउन महत्वपूर्ण भूमिका निर्वाह गरेका छन्।

सुकुम्बासी बस्तीको कठोर जीवनयात्रा, गरिब परिवारको संघर्ष, र समाजसँगको द्वन्द्वलाई बडो मर्मस्पर्शी ढंगले पर्दामा प्रस्तुत गर्ने यस फिल्मले नेपाली समाजको यथार्थलाई उजागर गरेको छ। फिल्म हेरेर दर्शकले सुकुम्बासीहरूको पीडा, उनीहरूले भोग्नुपर्ने अन्याय र अपमानलाई गहिरो रूपमा अनुभव गर्नेछन्।

समाजमा अझै कायम रहेको आर्थिक असमानतालाई उजागर गर्ने यस फिल्मले दर्शकको मन छुने अपेक्षा गरिएको छ। निर्देशक जोन योञ्जनको यो प्रयासले नेपाली सिनेमामा सामाजिक यथार्थको चित्रण गर्ने महत्वपूर्ण काम गरेको छ।

फिल्म ‘आँखा’ असोज ११ गते अर्थात् सेप्टेम्बर २७ तारिखबाट देशभरका सिनेमा घरहरूमा प्रदर्शनमा आउनेछ। समाजको अँध्यारो पाटो र गरिबीको सन्त्रासलाई नजिकबाट अनुभव गर्न चाहने दर्शकले यो फिल्मलाई मिस गर्न नहुने सुझाव छ।

‘आँखा’ हेरेर तपाईंले सुकुम्बासीहरूको आँसु र संघर्षको वास्तविकता बुझ्ने मात्र होइन, तपाईंको मनमा रहेको सामाजिक चेतना पनि जगाउने विश्वास लिइएको छ।