बिराट- अनुष्का अब लन्डनमा सिफ्ट हुने लगभग पक्का

मुम्बइ - भारतीय क्रिकेट टोलीका दिग्गज खेलाडी विराट कोहली यतिखेर अस्ट्रेलिया भ्रमणमा छन् । अस्ट्रेलियाविरुद्धको तेस्रो टेस्टमा उनले खास केही गर्न सकेका छैनन् । यसैबिच कोहलीलाई लिएर एउटा महत्त्वपूर्ण खबर बाहिर आएको छ ।

एक रिपोर्टका अनुसार विराट चाँडै आफ्नो परिवारसँग लन्डन सर्ने भएका छन् र यो कुरा उनको बाल्यकालका प्रशिक्षक राजकुमार शर्माले पुष्टि गरेका छन् । अब चाँडै नै दिग्दज क्रिकेटर कोहली भारत छाड्ने योजनामा ​​छन् । कोहली र अनुष्का लण्डन सर्ने चर्चा लामो समयदेखि चलिरहेको थियो तर यसबारेमा अझै आधिकारिक जानकारी भने दिइएको छैन । 

---

 तर, कोहलीको बारेमा पहिलो पटक कसैले केही भनेका छन् । प्रशिक्षक राजकुमार शर्माले हालै दैनिक जागरणलाई अन्तर्वार्ता दिने क्रममा यो खुलासा गरेका हुन । उनले भने, ‘विराट छोराछोरी र श्रीमती अनुष्का शर्मासँग लण्डन सिफ्ट हुने योजनामा ​​छन् । 

 विराट कोहलीको नयाँ दिल्लीमा पनि घर छ, मुम्बईमा पनि उनको घर  छ । उनले मुम्बईमा खासमा एउटा अपार्टमेन्ट किनेका थिए । यससँगै अलिबागमा एउटा बंगला पनि खरिद गरेका थिए । उनले खासमा बिदा मनाउन यो घर बनाएका हुन् तर अहिले भने उनीहरू भारत छोड्ने योजनामा ​​छन् । विराट कोहलीको नयाँ घर लण्डनमा हुने लगभग पक्का भएको उनका पूर्व प्रशिक्षकले भनेको छ । तर विराटले यस विषयमा अहिलेसम्म कुनै प्रतिक्रिया दिएका छैनन् ।

विराट आफ्नो महँगो जीवनशैलीका कारण चर्चामा रहन्छन् । कोहलीको स्वामित्वमा रहेका सबै घर महँगो छन् । मिडिया रिपोर्टका अनुसार कोहलीको सबैभन्दा महँगो बंगला गुरुग्राममा छ। कोहलीको यो घर डिएलएफ फेज १ मा छ, जसको अनुमानित मूल्य ८० करोड रुपैयाँ छ जबकि मुम्बईमा एउटा अपार्टमेन्टको मूल्य करिब ३४ करोड भारु पर्दछ । अलिबागको बंगलाको मूल्य करिब १९ करोड भारु रहेको छ तर यसबारे आधिकारिक जानकारी आएको छैन ।

 बलिउड अभिनेत्री अनुष्का शर्मा छोरी जन्मे पछि प्रायः लन्डन बस्दै आएकी छिन् । छोरीका लागि लन्डन जान लागेको पारिवारिक श्रोतले जनाएका छन् ।