ब्रिट्नीले जितिन् आफ्नै बुबासँगको मुद्दा

लसएन्जल्स -  गायिका तथा अभिनेत्री ब्रिट्नी स्पेयर्सले आफ्नै बुबालाई संरक्षकबाट हटाउन हालेको मुद्दा जितेकी छिन् । लसएन्जल्सको अदालतले बुधबार ब्रिट्नीका बुबा जेमी स्पयर्सलाई ब्रिट्नीको संरक्षकको रुपमा अलग हुन आदेश दिएको छ ।

अदालतले संरक्षकको रुपमा जेमीले लिएको जिम्मेवारी ब्रिट्नीको हितमा नरहेको निष्कर्ष निकाल्दै उनलाई संरक्षणकर्ताको रुपमा निरन्तरता दिइरहन आवश्यक नभएको निर्णय सुनाएको हो । 

---

सन् २००८ मा ब्रिट्नीले असामान्य व्यवहार देखाउन थालेपछि ब्रिटनीको सम्पूर्ण कुराको रेखदेख गर्ने गरी ‘कन्जरभेटसिप’को स्थापना भएको थियो । तर, तीन महिनाअघि ब्रिट्नीले ‘कन्जरभेटसिप’ले आफ्नो जीवन तहसनहस बनाएको बन्दै अदालतमा गुनासो गरेपछि अदालतले ब्रिट्नीलाई मुक्त गर्ने निर्णय गरेको हो । 
योसँगै ब्रिट्नी १३ वर्षअघिको स्थितिमा पुगेकी छिन् । 

ब्रिट्नीले अदालतमा बुबासँग स्वतन्त्रताको लडाइँ लडिरहँदा नै यो महिनाको सुरुमा प्रेमी साम असघारीसँग इन्गेजमेन्ट गरेकी थिइन् । अदालतको निर्णयलाई ब्रिट्नी र साम दुवैले इन्स्टामा सांकेतिक रुपमा स्वागत गरेका छन् ।