फोर्ब्सको प्रभावशाली कलाकारको पहिलो स्थानमा रश्मिका

भारत-  ‘नेसनल क्रस’को उपमा पाएकी रश्मिका मन्दानले आफ्नो खातामा नयाँ उपाधि थपेकी छिन् । रश्मिका आफ्नै सहकर्मीलाई पछि पार्दै फोर्ब्सको प्रभावशाली कलाकारको सूचीमा पहिलो बन्न सफल भएकी हुन् । पहिलो बन्न उनले विजय देवराकोन्डा, सामान्था रुथप्रभु र कन्नड स्टार यशलाई पछि पारेकी हुन् । 

फोर्ब्सले सामाजिक सञ्जालमा कुनै पनि कलाकारले पाएको लाइक, कमेन्ट, इंगेजमेन्ट, भिडियो भ्युज आदिका आधारमा यो सूची जारी गरेको हो । रश्मिकाले यी सबै विधामा बाँकी कलाकारलाई उछिनेकी हुन् । सामाजिक सञ्जालमार्फत कुनै पनि कलाकारले पारेको प्रभावलाई ‘क्युरोज स्कोर’मा अधिकतम १० अंकलाई आधार मानेर तयार गरिएको हो । 

---

यसरी निकालिएको औसतमा रश्मिकाले ९.८८ अंक प्राप्त गरेकी हुन् भने उनीभन्दा थोरै कम विजय देवराकोन्डाले प्राप्त गरेका हुन् । उनले ९.६७ अंक पाएका थिए । 
त्यसैगरी ‘केजीएफ’ स्टार यशले ९.५४ अंक प्राप्त गरेका छन् । 

अभिनेत्रीतर्फ यो सूचीमा भर्खर नागा चैतन्यसँग सम्बन्ध गरेकी सामान्थाले ठाउँ पाएकी छिन् । उनले ९.४९ अंक प्राप्त गरेकी हुन् । अल्लु अर्जुनले पनि ९.४६ अंक प्राप्त गर्दै आफूलाई सूचीमा सामेल गराएका छन् । 

कन्नड फिल्म ‘किरिक पार्टी’बाट अभिनयमा प्रवेश गरेकी रश्मिकाले छोटो समयमै लोभलाग्दा सफलता हात पारेकी छिन् । तेलगु र कन्नड फिल्ममा ज्यादा देखिँदै आएकी रश्मिका चाँडै बलिउड फिल्ममा देखिँदैछिन् । सिद्धार्थ मल्होत्रासँगको ‘मिसन मज्नु’बाट बलिउड डेब्यु गर्न गइरहेकी रश्मिकाले अमिताभ बच्चनसँग ‘गुडबाई’ पनि काम गर्दैछिन् । 

दक्षिण भारतीय सेलेब्रिटीलाई मात्र लक्षित गरी निकालिएको सूचीमा करोडौँ फ्यान भएका विजय, नयन तारा र अजित जस्ता कलाकार भने छैनन् किनकि उनीहरू सामाजिक सञ्जाल नै चलाउँदैनन् ।