दिवंगत सिद्धार्थलाई शहनाजको सन्देश 'तु मेरा है'

मुम्बई-  अभिनेत्री शहनाज गिल बिहीबार करिब दुई महिनापछि सामाजिक संजालमा फर्किइन् । गत सेप्टेम्बर २ देखि उनले सामाजिक संजालमा कुनै पोस्ट गरेकी थिइनन् । अभिनेता सिद्धार्थ शुक्लाको मृत्युपछि उनी निकै टुटेकी थिइन् ।

दुई महिनापछि इन्स्टाग्राममा फर्किएकी उनको पहिलो पोस्ट सिद्धार्थसँगै सम्बन्धित छ । ‘तु यही हे’ बोलको गीतको पोस्टर सेयर गर्दै उनले लेखेकी छिन्– ‘तु मेरा हे और....’ शहनाजले बिस्तारै सिद्धार्थका सम्झनाहरू संगालेर जिउन सिक्दैछिन् ।

---

सिद्धार्थको सम्झनामा शहनाजको गीत आज रिलिज भएको छ । गीतमा उनी आफैले स्वर दिएकी छिन् । जसमा उनले आफ्नो मनको अवस्था पोखेकी छिन् । ‘सिड्नाज’ अर्थात् सिद्धार्थ र शहनाजले बिग बोसको घरमा बिताएका खुसी र हाँसोठट्टाका पलहरू भिडियोमा देख्न सकिन्छ ।

यी पुराना सम्झनाहरू हेरेर जो कोही भावुक हुन सक्छ । शहनाज आफैँ पनि निकै भावुक देखिन्छिन् । यो गीत शहनाजका लागि मात्र नभई ‘सिड्नाज’का सबै फ्यानहरूका लागि जीवनभरको सम्झना हो ।