‘एभेन्जर एन्डगेम’लाई उछिन्दै ‘नो टाइम टु डाई’ बन्यो बेलायतमा कुस्त कमाउने पाँचौँ फिल्म

लन्डन- जेम्स बन्ड सिरिजको २५ औँ फिल्म ‘नो टाइम टु डाई’ मार्भलको ‘एभेन्जर एन्ड गेम’लाई बेलायतमा सर्वाधिक कमाउने फिल्मको ५ औँ स्थानमा उक्लिएको छ । डेनियल क्रेग बन्डको रुपमा अन्तिम पटक देखिएको फिल्मले बेलायतमा मात्र ८ करोड ५० लाख अमेरिकी डलर कमाइ गरेको हो । 

महामारीको समयमा रिलिज भएको यो फिल्मले ‘एभेन्जर एन्डगेम’को रेकर्ड ब्रेक गर्नुलाई ठूलो उपलब्धि मानिएको छ । योसँगै ‘नो टाइम टु डाई’ ‘स्काईफल’ र ‘स्पेक्ट्र’को लिस्टमा सामेल भएको छ ।

---

 ‘नो टाइम टु डाई’ले विश्व बजारबाट भने ६० करोड अमेरिकी डलर कमाइ गरेको छ । फिल्मले चीनबाट मात्र २ करोड २८ लाख अमेरिकी डलर कमाई गरेको आंकडा छ । फिल्मले समीक्षकबाट तारिफ भेटेको थियो । कतिपय समीक्षकले त यसलाई ५ मा ५ रेटिङ दिएका थिए । डेनियल क्रेगको बिदाइका लागि यो फिल्म उपयुक्त रहेको पनि धेरैको टिप्पणी थियो ।