पल-पूजाको‘म यस्तो गीत गाउँछु २’ माघ १९ मा रिलिज

काठमाडौँ-  महामारीका कारण मुखैमा आएर प्रदर्शन रोक्न बाध्य भएको फिल्म ‘म यस्तो गीत गाउँछु २’ले अन्ततः दोस्रो प्रदर्शन मिति तय गरेको छ । इकागजलाई प्राप्त सूचनाअनुसार यो फिल्म अब माघ १९ मा रिलिज हुनेछ । 

डेढ वर्षअघि महामारीले हल बन्द गर्न बाध्य गर्नुअघि यो फिल्म फागुन ३० मा प्रदर्शन हुन ठिक्क परेको थियो । तर चिनबाट फैलिएको महामारी नेपालसम्म आइपुग्ने आशंकासहित नेपाल भिडभाड नगर्न सूचना जारी गरेसँगै यो फिल्म दर्शकसम्म जान रोकिएको थियो । सरकारले चैत ९ बाट लकडाउन गरेको थियो । 

---

ीतहारमा रिलिज भएको बलिउड फिल्म दर्शक हलमा आउने आत्मविश्वास दिलाएसँगै यो फिल्मले पनि दर्शकमाझ जाने निर्णय गरेको हो । तर यो फिल्म वितरण गरिएका रिच इन्टरटेनमेन्टका करण श्रेष्ठले माघमा रिलिज गर्ने निर्माता तथा निर्देशक सुदर्शन थापा मोटामोटी छलफल भएको भए पनि मिति नै टुंगो गरिनसकेको बताए । उनले बुधबार निर्देशक सुदर्शन थापासँग भेटघाट गरेको फोटो सामाजिक सञ्जालमा राखेका छन् । उनले यही भेटमा फिल्म रिलिज गर्ने विषयमा नै छलफल गरेको भने पुष्टि गरे । 

‘माघमा गर्ने कि भन्या हो । तर ठ्याक्कै यही भन्ने छैन,’उनले इकागजसँगको कुराकानीमा भने । तर इकागजलाई प्राप्त सूचनाअनुसार फिल्म माघ १९ मा रिलिज गर्ने मोटामोटी सहमति छ । माघ १९ गते ल्होसारको विदा पर्छ । तर यो बुधबार पार्छ । कथंकदाचित बुधबार रिलिज गर्न नमिले यो फिल्म शुक्रबार रिलिज गर्ने पनि वितरक र निर्माताबीच सहमति बनेको छ । 

निर्देशक सुदर्शन थापा र वितरक करण श्रेष्ठ

बनेको लामो समय भएबाहेक यो फिल्मको मुख्य अभिनेता पल शाहका कारण पनि रिलिज गर्न निर्मातालाई दबाब बढ्दै गएको थियो । पल शाह र गायिका समीक्षा अधिकारीको सम्बन्धलाई लिएर केही सञ्चारमाध्यमले समाचार लेखे÷बजाएपछि आउँदा दिनमा यो सम्बन्धलाई लिएर थप समाचार आउने र पलको इमेजमा धक्का पुग्ने निर्मातामा आशंका बढ्दै गएको थियो । 

फिल्ममा पल शाह र पूजा शर्माको मुख्य भूमिका रहेको छ । फिल्मको निर्माता भने सुदर्शन थापा र पूजा शर्मा हुन् । पहिले नै सार्वजनिक भइसकेका यो फिल्मका गीत रुचाइएका थिए । फिल्ममा संगीत अर्जुन पोखरेलले दिएका छन् ।