आदित्यसँगको झगडाका कारण ‘बन्टी और बब्ली २’मा अटाएनन् अभिषेक

मुम्बई - ‘बन्टी और बब्ली २’को प्रचार प्रसार सुरु भएसँगै धेरैको मनमा थियो ,‘अभिषेक बच्चन किन यो फिल्ममा छैनन् ?’ किनकि दोस्रो भागको कथा पहिलो भागकै निरन्तरताको रुपमा प्रस्तुत भएको ट्रेलरले देखाउँछ ।

उनलाई प्रतिस्थापन गरेका सैफअली खानले अभिेषककै चरित्रलाई निरन्तरता दिएका छन् । यस्तो हुँदा अभिषेक किन अटाएनन् भन्ने दर्शकको मनमा प्रश्न उठ्नु स्वाभाविकै हो । तर ताजा समाचारअनुसार अभिषेक यो फिल्ममा नअटाउनमा अभिषेक र आदित्य चोपडाबीचको झगडा मुख्य कारण रहेको थियो । 

---

ऋभिषेक बच्चन ‘धूम’ सिरिजबाट यशराज फिल्मको हिस्सा बन्दै आइरहेका थिए । यही सम्बन्धका आधारमा उनले ‘बन्टी और बब्ली ’ र ‘झुम बराबर झुम’आदि फिल्ममा काम गरेका थिए । तर ‘धूम ३’को क्लाइमेक्सलाई लिएर अभिषेक र आदित्य भिडेपछि अभिषेकले आइन्दा यशराजको फिल्म नगर्ने घोषणा गरेका थिए ।

उसबेला नै आएको समाचारअनुसार ‘धूम ३’मा यशराज फिल्मले आमिर खानको भूमिकालाई मात्र महत्व दिएर अभिषेकको दृश्य काटिदिएका थिए । अझ क्लाइमेक्सको दृश्य अभिषेकलाई दिएभन्दा भिन्दै सुटिङ गरेपछि अभिषेकले आदित्यलाई गुनासो गरेका थिए तर निर्देशक विजयकृष्ण आचार्यले सुनेको नसुनै गरेपछि अभिषेक आदित्यसँग पनि रिसाएका थिए र यशराजको फिल्म नगर्ने बताएका थिए । यही कारण पछि यशराजले ‘बन्टी और बब्ली २’ बनाउँदा अभिषेकलाई नलिएर उनको ठाउँमा सैफअली खानलाई लिएको थियो ।