रिनजिङले फिल्म साइन गरेपछि मात्र बताएका थिए डेनीलाई

मुम्बई -बलिउडमा नातावादको बहस उचाइमा छ । सुशान्त सिंह राजपुतको असामयिक निधनपछि त सुषुप्त रहेको यो विवादले रातारात सगरमाथा आरोहण गरेको थियो । तर काग कराउँदै गर्छ पिना सुक्दै गर्छ भने झैँ बलिउड निर्माता स्टार किडलाई फिल्ममा लिन रत्तिभर हिच्किचाएका छैनन् ।

धमाधम नयाँ नयाँ स्टार किड लन्च हुने खबर आइरहेका छन् ।यसैबीचमा नेपाली मुलका भारतीय अभिनेता डेनी डेङजोपाका छोरा रिनजिङ डेङजोपाले पनि बलिउडमा डेब्यु गरेका छन् । उनको मूख्य भूमिका रहेको पहिलो फिल्म ‘स्क्वाड’ नोभेम्बर १२ मा जीफाइभमा रिलिज भएको छ र फिल्मले औसत मात्र रेटिङ पाएको छ ।

---

योसँगै रिनजिङले राम्रै फिल्मबाट डेब्यु गरेको भए हुने भन्ने प्रतिक्रिया पनि आएका छन् । तर रिनजिङले यो फिल्म गर्ने सम्झौता गरेपछि मात्र डेनीलाई आफूले फिल्म गर्न लागेको जानकारी गराएका छन् ।

‘ यो संघर्ष पनि मेरो हो र सफलता असफलता जे पाउँछु त्यो मेरो हो । सम्झौता गरेपछि मात्र बुबाले यो फिल्मको बारेमा चाल पाउनु भएको थियो । यो मेरो आफ्नै संघर्ष हो । यदि बुबालाई भनेर फिल्म गर्ने भए म धेरै पहिले नै भन्थेँ,’उनले मिडडेसँगको कुराकानीमा भनेका छन् । एक्सन विधामा बनेको ‘स्क्वाड’ले समीक्षकबाट चिसो समीक्षा पाएको छ ।