केकी अभीनित ‘सिल्ली फोर’को छायांकन सकियो

काठमाडौँ-   निर्देशक राजबहादुर सानेको निर्देशनमा निर्माण भएको फिल्म ‘सिल्ली फोर’को छायांकन सकिएको छ । फिल्मकी मुख्य अभिनेत्री केकी अधिकारीको जन्मदिनको अवसर पारेर छायांकन सकिएको निर्माण टिमले जनाएको छ ।

केही समयदेखि फिल्मको नेपालगञ्ज आसपासका ठाउँमा छायांकन भईरहेको थियो । कमेडी जनरामा निर्माण भएको फिल्मले केकीलाई जन्मदिनको शुभकामनासहित इन्डक्ल्याप गरेको हो ।

---

फिल्ममा केकीका अलावा धिरेन शाक्य, रवीन्द्र झा, राजाराम पौडेल, दीपक थापा, पुर्णचन्द्र पोखरेल, अनिता लामिछाने लगायतका कलाकारको अभिनय छ । यही फिल्मबाट दिनेश रेग्मी, भुगोल कार्की र रमेश बजगाईले अभिनयमा डेव्यु गर्दैछन् ।

ह्याप्पी फिल्मको व्यानरमा निर्माण भएको फिल्मका निर्माता मनोज डिके हुन् ।विशाल श्रेष्ठ र सागर विष्ट सह–निर्माता रहेको फिल्ममा रवी केसीको मेकअप, शिव विकको कोरियोग्राफी, देब महर्जनको द्वन्द्व, दिव्यराज सुवेदीको छायांकन, तारा थापा ‘किम्भे’को सम्पादन छ । फिल्मका सहायक निर्देशक विशाल बराल र केशव शर्मा हुन् ।