फागुन २७ मा विल्सन र गौरवको ‘आकासे खेती’

काठमाडौं - उदय सुब्बाको निर्देशन रहेको फिल्म ‘आकासे खेती’ को फस्टलुक अफिसियल पोस्टर सार्वजनिक गरिएको छ । आगामी फागुन २७ गते रिलिज मिति तोक्दै फिल्मले प्रचार प्रसारको पहिलो सामग्रीको रुपमा दुई पोस्टर बाहिर ल्याएको हो ।

गौरव पहारी, विल्सन बिक्रम राई , बुद्धि तामाङ, नीता ढुङ्गाना, रवीन्द्र झा, रमा लिम्बू, जयनन्द लामा, शिशिर वाङ्देल लगायको मुख्य भुमिका फिल्ममा छ । फिल्मको फस्टलुकमा पनि यी नै कलाकारले प्राथमिकता पाएका छन् ।

---

युवाको विनामिहिनेत पैसा कमाउने सपना र तिब्वतियन शरणार्थीको विषयमा निर्माण भएको यो निर्देशक सुब्बाको १८ औं फिल्म हो । केदार उप्रेती, जीवन सुब्बा, राजेन्द्र चोङ्वाङ, दिलप्रकाश याक्सो निर्माता रहेको फिल्मको कथा निर्देशक आफैँले तयार पारेका हुन् । फिल्मको सम्वाद भने कलाकार विल्सन विक्रम राईले लेखेका हुन् ।

एसएस इन्टरनेसनल फिल्मस् र तक्मे प्रोडक्सनको संयुक्त ब्यानरमा निर्माण भएको फिल्ममा विक्रम डिसीको छायांकन, सुजन बडालको सम्पादन, राजु किरातीको द्धोन्द, रामजी लामिछाने र राजिवको नृत्य, विकाश चौधरी र बादल लिब्बुको संगीत छ ।

फिल्म जि.जि ग्रुपका करण श्रेष्ठले उपत्यका  र एफ.डि कम्पनीले उपत्यका बाहिर बितरण गर्नेछ । फिल्म युवादेखि बृद्धसम्मको रुचिलाई ध्यानमा राखेर निर्माण गरिएको निर्देशक सुब्बाले बताए ।