अक्षय र टाइगरलाई लिएर ‘बडे मियाँ छोटे मियाँ’ बनाउँदै अली

मुम्बई - एक्सन विधाका फिल्म बनाउन माहिर अली अब्बास जफरले अक्षयकुमार र टाइगर श्राफलाई लिएर अर्को एक्सन फिल्म बनाउने घोषणा गरेका छन् । बासु भगनानीले बनाउने फिल्मको नाम ‘बडे मियाँ छोटे मियाँ’ रहने बताइएको छ । 

यही नाममा बासु भगनानीले नै सन् १९९८मा अमिताभ बच्चन र गोविन्दालाई लिएर हास्य फिल्म बनाएका थिए । नयाँ फिल्ममा भने एक्सनसँगै कमेडी पनि रहने बताइएको छ । 

---

टाइगर श्राफ झैँ अक्षयकुमारले पनि एक्सन विधाका फिल्मबाट करिअर सुरु गरेका थिए । पछि कमेडी विधाका फिल्ममा जमेका अक्षयले आजभोलि भने सामाजिक सन्देश भएका फिल्म बनाउँदै आएका छन् । 

‘टाइगर जिन्दा है’ निर्देशक अब्बासले अहिले यसैको तेस्रो भागको निर्देशन गरिरहेका छन् भने उनले केही समयपछि नै शाहिद कपुरलाई लिएर अर्को फिल्म बनाउने तयारी गरिरहेका छन् । यो फिल्मको काम सकिएपछि बल्ल उनले यो फिल्मको काम सुरु गर्नेछन् । फिल्ममा रहने बाँकी कलाकारको भने टुंगो लागेको छैन ।