साउथ एसियन फिल्म फेस्टिभलमा ‘महानगर’

काठमाडौँ - भर्चुअल रुपमा यही जनवरी १६ देखि ३० सम्म चल्ने डीसी साउथ एसियन फिल्म फेस्टिभलमा नेपाली फिल्म ‘महानगर’को पनि स्क्रिनिङ हुने भएको छ । मोहन राई निर्देशित यो फिल्म उद्घाटनको दिन प्रदर्शन हुने आयोजकले जनाएको छ ।

भारतको कोलकाता फिल्म फेस्टिभलबाट वल्र्ड प्रिमियर भएको यो फिल्म अमेरिकाको ब्रुकलिन फिल्म फेस्टिभलमा पनि छनौट भएको थियो । एक रातको कथा भन्ने यो फिल्म हालै मात्र पोखरामा सम्पन्न ५ औँ पामे फिल्म फेस्टिभलमा पनि देखाइएको थियो । 

---

मोहन राईकै लेखन रहेको यो फिल्ममा कार्म र मेनुका प्रधानले मुख्य भूमिका निर्वाह गरेका छन् । एउटा सानो दुर्घटनाले भेटिने दुवैको जीवनमा एक रातमा घटने घटनालाई फिल्ममा प्रस्तुत गरिएको छ । यो फिल्म चाँडै नै नेपालमा प्रदर्शन हुने तयारीमा छ ।