‘कमेडी च्याम्पियन’का प्रतिस्पर्धीलाई लिएर ‘कमेडी क्लब’

काठमाडौँ - ‘कमेडी च्याम्पियन’को पहिलो र दोस्रो सिजनका प्रतिस्पर्धीलाई लिएर ‘कमेडी क्लब विथ च्याम्पियन्स’ शीर्षकको कार्यक्रम प्रसारण हुने भएको छ । बुधबार निर्माण कम्पनी थ्रि प्रडक्सन र कि इन्टरटेनमेन्टले औपचारिक कार्यक्रम गर्दै दुवै सिजनका ६ प्रतिस्पर्धीका साथ कार्यक्रम प्रसारण हुने जानकारी गराए । कार्यक्रम नेपाल टेलिभिजनबाट प्रसारण हुनेछ । 

हरेक सोमबार बेलुकी ८ बजेर ५० मिनेटमा नेपाल टेलभिजनमा प्रसारण हुने यो कार्यक्रममा ‘कमेडी च्याम्पियन १ र २’का प्रतिस्पर्धीहरु पवन भट्टराई, मेक्सम गौडेल, श्रेया सुवेदी, साजन श्रेष्ठ, सुमन कार्की र कैलाश कार्की सहभागी रहनेछन् । उमेश राई भने मुन्द्रेको कमेडी क्लबका सदस्य रहेका थिए । 

---

यो कार्यक्रम नेपाल टेलिभिजनबाट प्रसारण हुँदै आएको ‘मुन्द्रेको कमेडी क्लब’को ठाउँमा प्रसारण हुन लागेको हो । कि र जितु नेपालबीच असमझदारी बढेपछि जितुले यो कार्यक्रम बन्द गर्ने निर्णय गरेका थिए । त्यसयता टेलिभिजनमा त्यो स्लट खाली थियो । सोलाई कमेडी च्याम्पियन निर्देशक विशाल भण्डारीले निर्देशन गर्नेछन् । उनले कार्यक्रम नयाँ स्वादको रहने जानकारी गराए । कार्यक्रम माघको दोस्रो साताबाट प्रसारण हुने कार्यक्रममा जानकारी गराइएको थियो ।