साइ पल्लवीको फ्यान मधु

मद्रास -  भारतमा साइ पल्लवी मात्र यस्तो हिरोइन हुन् जो विनामेकअप पर्दामा देखिन्छिन् । डण्डिफोरले छ्याके भएको अनुहारमा पनि साइ पल्लवीले यति जिवन्त अभिनय गर्छन् कि फिल्म हेर्दै जाँदा उनको त्यही अनुहार प्यारो लाग्न थाल्छ ।

यसरी साइ पल्लवीको फ्यान हुनेमा सर्वसाधारण दर्शक मात्र छैनन्, दक्षिण भारतीय अभिनेत्री मधु पनि साइ पल्लवीको फ्यान हुन् । उनले हालै मात्र साइ पल्लवीको प्रशंसा गरेकी छिन् । मधु साइ पल्लवीको फ्यान हुन् बाध्य भएकी हुन्, उनको नयाँ फिल्म ‘श्याम सिंह रोय’ हेरेर । मधु मणिरत्नम निर्देशित 'रोजा' की अभिनेत्री हुन् ।

---

यो फिल्म हेरेपछि उनले ट्वीटरमा क्लिप्स सेयर गर्दै साइपल्लवीको ठूलो फ्यान भएको बताएकी हुन् । यो क्रममा उनले पल्लवी उम्दा अभिनेत्री र गज्जबको डान्सर भएको भन्दै तारिफ गरेकी हुन् । 

मधुको तारिफले दंग परेकी साइ पल्लवीले पनि मधुको प्रशंसा न्यायो अंगालो जस्तो लागेको प्रतिक्रिया दिएकी छिन् । उनले मधु जस्तो दिग्गज अभिनेत्रीबाट तारिफ पाउँदा दोब्बर सुखी लागेको बताएकी छिन् । 

गत वर्षको डिसेम्बर २४ मा रिलिज भएको नानी र साइ पल्लवी अभिनीत फिल्म जनवरी २१ बाट ओटिटीमा आएको हो । यो फिल्मले दुवै माध्यममा राम्रो समीक्षा पाएको छ ।