हिन्दी भर्सनमा मात्र ‘पुष्पा’ले कमायो सय करोड

मुम्बई - ‘पुष्पा’को हिन्दी भर्सनले सय करोड कमाएको छ । सातौं हप्तामा ‘पुष्पा’ले कुल कमाइमा २ करोड थप्दै फिल्मले दुर्लभ कीर्तिमान कायम गरेको हो । 
पहिलो हप्ता ३ करोड ३३ लाख कमाइ गर्दै आफ्नो यात्रा सुरु गरेको ‘पुष्पा’ले योसँगै ‘बाहुबली’को रेकर्ड पछ्याएको हो ।

‘पुष्पा’ झैँ ‘बाहुबली’ पनि तेलगु भाषामा बनेर हिन्दीमा डब गरी प्रदर्शनमा आएको थियो । यो फिल्मले हिन्दी भर्सनमा मात्र १ अर्ब १७ करोड कमाइ गरेको थियो । 
महामारीका कारण भारतमा अधिकांश राज्यमा हल बन्द हुँदा पनि यो फिल्मले गरेको कमाइ आश्चर्यजनक मानिएको छ ।

---

यो फिल्मलाई ओटिटी रिलिजले पनि असर गरेको थिएन । ओटिटीमा सार्वजनिक भए पनि हलमा यो फिल्म हेर्ने दर्शकमा कुनै कमी थिएन । दुई भागमा आउने यो फिल्मको पहिलो भागका गीत र संवाद भाइरल भएका छन् । देश विदेशका सेलिब्रेटीले यो फिल्मको संवाद र गीत नक्कल गर्ने गरेका छन् । फिल्ममा अल्लु अर्जुन र रश्मिका मन्दानाको मुख्य भूमिका रहेको छ ।