‘परस्त्री’मा शिल्पा मास्केको प्रवेश

काठमाडौँ - ‘आमा’ निर्माता शर्मिला पाण्डेले छोरालाई निर्देशक लिएर बनाउन लागेको फिल्म ‘परस्त्री’मा शिल्पा मास्के अनुबन्ध भएकी छिन् । निर्माण साझेदार दीपेन्द्र के खनालले सामाजिक सञ्जालमा शिल्पालाई अनुबन्ध गरेको जानकारी गराएका छन् ।

केही दिनअघि निर्माण टिमले औपचारिक कार्यक्रम गर्दै फिल्मको घोषणा गरेको थियो । डीएस डिजिटलको प्रस्तुति रहने फिल्ममा कोशिस क्षेत्री मुख्य भूमिकामा रहने जनाइएको थियो । तर कोशिसबाहेकका कलाकार अडिसनबाट छानिने जानकारी गराइएको थियो ।

---

यसमा दुई महिला कलाकार र एक पुरुष कलाकार मुख्य थिए । निर्माण टिमले यही दुईमध्ये एकमा शिल्पालाई अनुबन्ध गरेको हो । ‘ब्रेकअप’बाट डेब्यु गरेकी शिल्पाले ‘कागजपत्र’, ‘सानो मन’ आदि फिल्ममा अभिनय गरेकी छिन् ।