फागुन १ मा पुनः ‘चपलीहाइट ३’

काठमाडौँ - लामो गलफत्तीपछि रिलिज पुस ३०मा रिलिज भएको ‘चपली हाइट ३’ हलमा दुई दिन के चलेको थियो तेस्रो दिनदेखि सरकारले हल नै बन्द गर्ने निर्णय गर्यो । कोभिड १९को तेस्रो लहर ओम्रिकोन संक्रमित संख्या ह्वात्तै बढेपछि सरकारले भिडभाड हुने ठाउँसँगै सिनेमा हल पनि बन्द गर्ने निर्णय गरेको थियो ।

सरकारको यो निर्णयको चोट बोक्ने अभागी फिल्म रह्यो ‘चपली हाइट ३’ । पुस २ हुँदै १५ मा पुगेर ३० गतेका दिन प्रदर्शनमा आएको यो फिल्मले दर्शकको मुख राम्ररी देख्नै पाएन ।

---

अहिले सरकारले फागुन १ बाट हल खोल्ने निर्णय गरेसँगै यो फिल्म पुनः हलमा लाग्ने भएको छ । निर्माता अर्जुनकुमारले मंगलबार एक विज्ञप्ति जारी गर्दै फागुन १ देखि हलमा लाग्ने जनाऊ दिएका छन् ।  फागुन १ देखि नै यसको दुई हप्ता अघि प्रदर्शनमा आएको फिल्म ‘कठपुतली’ पनि रिलिज हुनेछ । थ्रिलर विधाको ‘चपली हाइट ३’मा स्वस्तिमा खड्का र महेश त्रिपाठीको मुख्य भूमिका रहेको छ । फिल्मलाई निकेश खड्काले निर्देशन गरेका हुन् ।