दीपिकाको फिल्मलाई कंगनाको प्रतिक्रिया : फोहोर बेच्ने काम बन्द गर

मुम्बई - दीपिका पादुकोन, सिद्धान्त चतुर्वेदी र अनन्या पाण्डेको मुख्य भूमिका रहेको ‘गहराइयाँ’ अमेजन प्राइममा रिलिज भएको छ । अरुभन्दा पनि दीपिका र सिद्धान्तबीचको बोल्ड सिनका कारण यो फिल्मले धेरैको ध्यान खिचेको थियो । फिल्म रिलिजसँगै यो फिल्मले दुई खाले प्रतिक्रिया पाएको छ ।

कसैले जटिल सम्बन्धको कथा भन्ने फिल्म मन परेको प्रतिक्रिया दिएका छन् त कसैले भने फिल्ममा चुम्माचाटी मात्र धेरै भएको बताएका छन् । यसमा अभिनेत्री कंगना रनावतको पनि मत छ । उनले त फिल्मलाई पोर्नोग्राफी भएकी बताएकी छिन् ।

---

उनले नयाँ पुस्ताको कथाको नाममा फोहोर नबेच्न पनि आग्रह गरेकी छिन् । कंगनाले इन्स्टामा लामो स्टोरी हाल्दै करण जौहरले बनाएको यो फिल्मलाई फोहोरी फिल्मको संज्ञा दिएकी छिन् । उनले लेखेकी छिन्, ‘नाम गहिराइयाँ भए पनि यसमा कुनै गहिरो कुरा छैन ।’

कंगना र करण जौहरबीच मारामारको सम्बन्ध छ । कंगना यस्तो कुनै पनि मौका छाड्दिनन् जहाँ करणको धज्जी उडाउने मौका होस् । कंगनाको यो प्रतिक्रिया धेरैले यही सम्बन्धको निरन्तरताको रुपमा बुझेका छन् ।