भोलिदेखि सिनेमा हल खुल्दै

कैलाली - सरकारले कोभिड-१९ का कारण एक महिनासम्म बन्द रहेका सिनेमा हलहरु भोलिबाट खुल्ने भएका छन । 

सुदुरपश्चिम प्रदेशको एकमात्र सुविधासम्पन्न सिनेमा हल एसटीएस सिनेमा हलले पनि भोलिदेखि फिल्म देखाउने गरी आफ्नो तयारी थालेको हल सञ्चालक राजकुमार श्रेष्ठले बताए । उनले एकमहिना फिल्महल बन्द हुँदा लाखौ घाटा ब्यहोर्नु परेको बताए । 

---

राज्यले हल बन्द अवस्थामा रहेको समयको कर छुट गर्नु पर्ने, विद्धुत महसुलमा सहुलियत दिनुपर्ने लगायतका अन्य करमा छुट दिनु पर्ने सञ्चालक श्रेष्ठले बताए । 

भोलिदेखी एसटीएस सिनेमा हलमा साउथ इण्डियन फिल्म रवि तेजा र मिनाक्षी चौधरीको मुख्य भुमिका रहेको "खेलाडी" प्रदर्शन गरिने भएको छ । सिनेमा हलले दैनिक १२:१५, ३:१५ र ६:३० गरि ३ सो फिल्म देखाउदै आएको छ ।