‘ह्रस्व दीर्घ’ बनाउँदै हरिहर–नीताको जोडी

काठमाडौँ - कपलको रुपमा सार्वजनिक कार्यक्रम र सामाजिक सञ्जालमा देखिँदै आएका हरिहर अधिकारी र नीता ढुंगानाले ‘ह्रस्व दीर्घ’ शीर्षकमा फिल्म बनाउने भएका छन् । नीता ढुंगानाले भने फिल्ममा दोहोरो जिम्मेवारी निर्वाह गर्नेछन् । दुवै निकट स्रोतका अनुसार नीता फिल्ममा हरिहरको जोडीको रुपमा देखिनेछिन् भने फिल्मलाई निर्देशन पनि उनैले गर्नेछन् । फिल्मका बाँकी कलाकारको छनौट हुन बाँकी रहेको छ ।

यो फिल्मको सुटिङ यही महिनाको अन्त्यबाट गर्ने गरी तयारी भइरहेको छ । ज्योतिषसमेत रहेका हरिहरले यसअघि ‘शुभ लभ’बाट अभिनयमा डेब्यु गरेका थिए । दुई वर्षअघि भएको वीरगञ्जको एक महोत्सवबाट नजिकिएका हरिहर र नीताले यसअघि टेलिभिजन सो र एउटा म्युजिक भिडियोमा सहकार्य गरेका छन् ।

---

हरिहरले सञ्चालन गर्ने हरिहर सो र उनकै अभिनय रहेको एक शिवस्तोत्र ‘जय जय नीलकण्ठ’ नीताले नै निर्देशन गरेकी थिइन् । नीता र हरिहरले गीतामाथि पनि फिल्म बनाउने घोषणा गरेका थिए । तर त्यो प्रोजेक्ट थाँती राख्दै दुवैले रोमान्टिक फिल्ममा काम गर्न लागेका हुन् ।