अनमोलको फिल्मलाई राहत, वैशाख १ मा नआउने भयो ‘लालसिंह चढ्ढा’

काठमाडौँ - आमिर खानको फिल्म ‘लालसिंह चढ्ढा’ निर्धारित मितिमा नआउने भएको छ । निर्माताले मंगलबार एक विज्ञप्ति जारी गर्दै फिल्म पूर्व निर्धारित समयबाट पछि हटेको जानकारी गराएका छन् । यो फिल्म अब अगस्ट ११ मा प्रदर्शन हुनेछ । 

हलिउड फिल्म ‘फरेस्ट गम्प’को आधिकारिक रिमेक मानिएको फिल्म वैशाख १ मा प्रदर्शनमा आउनेपाला थियो । यही मितिमा कन्नड फिल्म ‘केजीएफ’को दोस्रो भाग पनि आउने तयारीमा थियो । दुई ठूला फिल्मको भिडन्तले भारतीय बक्स अफिसमा प्रभाव पर्ने चिन्ता व्यक्त भइरहँदा आमिरको फिल्म सरेको हो । 

---

आमिरको फिल्म सर्दा नेपालमा भने अनमोल केसीलाई राहत हुने भएको छ । अनमोल अभिनीत ‘ए मेरो हजुर ४’ पनि यही मितिमा रिलिज हुँदै थियो । ‘केजीएफ’ र ‘लालसिंह चढ्ढा’को बीचमा पर्दा यो फिल्मले अपेक्षित सो नपाउने तनाव थियो । तर ‘लालसिंह चढ्ढा’ सरेपछि अब ‘केजीएफ’ र ‘ए मेरो हजुर ४’ आमने सामने हुनेछन् ।