रामजीले बनाए 'हनिमुन'

काठमाडौँ- रामजी ज्ञवालीको लेखन तथा निर्देशनमा तयार भएको सर्टफिल्म हनिमुन सार्वजनिक गरिएको छ । लघु फिल्मले बिहेपछि श्रीमान र श्रीमतीको रमाइलो पल हनिमुनको दिन हुने असमझदारीको कथा प्रस्तुत गर्छ ।

केटा अथवा केटीले बिहेका लागि राजी हुँदै गर्दा आफ्नो पार्टनरको विगतलाई एसेप्ट गर्नसक्नुपर्छ अन्यथा उनीहरुको विगतमा भएका स साना कामलाई कोट्याउँदा त्यसले दाम्पत्य जिवन तनावपूर्ण तरिकाले अघि बढ्छ भन्ने चलचित्रमा देखाइएको छ ।

---

यो फिल्ममा विशाल कटवाल र प्रतिभा केसीको अभिनय देख्न सकिन्छ । निर्देशक ज्ञवालीले आफ्नो जन्मदिनको अवसर पारेर हनिमुन सार्वजनिक गरेका हुन् । उनले यसअघि 'डार्क मुन', 'एक लभर', 'लकडाउन' लगायतका सर्ट फिल्म निर्माण गरिसकेका छन् ।

सार्वजनिक फिल्म हनिमुनमा बिजय अर्यालको आवाज, बिशाल निरौलाको म्युजिक, योगेश गाजीको ब्याकग्राउन्ड म्युजिक तथा मिक्सिंग, राजेन्द्र मोक्तानको कलरग्रेडिंग, शाहिल खान र मिलन श्रेष्ठको सम्पादन रहेको छ । चलचित्रलाई संकल्प भुजेलले खिचेका हुन् ।

यो चलचित्र राम्रो इन्टरटेनमेन्टको अफिसियल युट्युब च्यानलमार्फत सार्वजनिक गरिएको हो । काठमाडांस्थित नक्लासमा रहेको लिसरा रिसेप्सनमा एक भव्य कार्यक्रमकाबीच चलचित्र हनिमुन सार्वजनिक गरिएको हो । यो सर्टफिल्मलाई उपस्थितले राम्रो प्रतिक्रिया दिएका छन् ।