पूजा र पलले गरे वृक्षारोपण, रुखको नाम ‘छायाँ’

काठमाडौँ - आउँदो शुक्रबार रिलिज हुने फिल्म ‘म यस्तो गीत गाउँछु २’ले प्रचार प्रसारलाई तीव्र बनाउने क्रममा शनिबार बिहान वृक्षारोपण कार्यक्रममा सहभागी बनेका छन् । दुवैले बागमती किनारमा वृक्षारोपण गरेका हुन् ।

उनीहरूले फिल्मको चरित्रसँग मिल्ने गरी रुखको नाम दिएका हुन् । फिल्ममा पूजा शर्माले छायाँ नामको चरित्र निर्वाह गरेकी छिन् । उनले रुखको नाम पनि छायाँ नै राखेकी थिइन् ।

---

‘रुख ठूलो भएपछि छहारी दिन्छ । घाममा छायाँ दिने भएकाले छायाँ राखौँ,’पूजाले भनेकी थिइन् । पलले भने रुखको नाम ‘म यस्तो गीत गाउँछु’ राखेका थिए ।
उनले वातावरण सफाईमा लागेका अभियन्तालाई हौसला दिन आफूहरू वृक्षारोपण कार्यक्रममा सहभागी भएको बताएका थिए । 

फागुन १३ गतेबाट हलमा प्रदर्शन हुन लागेको फिल्ममा पल र पूजासँगै दिनेश डिसीको मुख्य भूमिका रहेको छ । फिल्मलाई सदर्शन थापाले निर्देशन गरेका हुन् ।