‘म यस्तो गीत गाउँछु २’ को नयाँ गीत रिलिज

काठमाडौँ - चलचित्र हलमा रिलिज भएको ४ दिनपछि ‘म यस्तो गीत गाउँछु २’ मा समावेश ‘पीडा भएनी’ बोलको गीत सार्वजनिक गरिएको छ ।
चलचित्रको कथा बोल्ने यो गीतमा अन्जु पन्तको स्वर, अर्जुन पोखरेलको संगीत र दिग्गज द्यौरालीको शब्द छ ।

यो गीतको भिडियोमा नायिका पूजा शर्मा फिचर्ड छिन् । चलचित्रमा छाया पात्रको भूमिकामा देखिएकी पूजालाई स्टेजमा भावुक गीत गाइरहेको देख्न सकिन्छ । चलचित्रको गीतमा नायक पल शाहलाई भने प्रहरीले पक्राउ गरेको देखाइएको छ । यसले पनि चलचित्रको यो गीतले चलचित्रको कथाको सार भन्न खोजेको वुझ्न सकिन्छ ।

---

सुदर्शन थापाको निर्देशनमा तयार भएको यो चलचित्रले शुक्रबार÷शनिबार सन्तोषजनक व्यापार गरेको रिपोर्ट आइरहेका छन् ।  पुजा शर्मा र सुदर्शन थापाको निर्माणमा तयार भएको चलचित्रमा जन्मजय साम्पाङ राई सह–निर्माताको रुपमा छन् । चलचित्रमा रामजी लामिछानेको कोरियोग्राफी, सुदर्शन थापाको कथा, शिवम् अधिकारी र दिनेश न्यौपानेको पटकथा तथा संवाद, सौरभ लामाको छायांकन छ । यो गीतले चलचित्रको व्यापारमा मद्दत पुग्ने विश्वास निर्माणपक्षको छ ।