दिपकराज गिरीको टिप्पणी: गल्ली-गल्लीमा न्यायालय, घर-घरमा न्यायाधीश

काठमाडौँ - एक नाबालिग गायिकामाथि जबरजस्ती करणी गरेको आरोपमा नायक पल शाह प्रहरी हिरासतमा छन् । नाबालिगले दिएको जाहेरीका आधारमा शाह प्रहरी हिरासतमा पुगेका हुन् । घटनाबारे प्रहरीले अनुसन्धान गरिरहेको छ । 

यो प्रकरणलाई लिएर व्यापक बहस भइरहेको छ । कानुनी प्रक्रियामा गइसकेको विषयमा मानेछेहरूले सन्जालदेखि सडकसम्म अनावश्यक बहस गरिरहेका छन् । कतिपयले पीडककै पक्ष लिएर पीडित नाबालिग गायिकामाथि थप आहात दिने काम समेत गरेका छन् ।
 
यसबारे कलाकार दिपकराज गिरीको टिप्पणी छ, 'गल्ली-गल्लीमा न्यायालय, घर घरमा न्यायाधीश ।' उनले कुनै घटना वा सन्दर्भ उल्लेख त गरेका छैनन् । तर, उनको टिप्पणीबाट बुझ्न सकिन्छ पल शाहका पक्षमा अनावश्यक बहस गरिरहेकामाथि उनले व्य‌ग्य गरेका छन् । उनले थप लेखेका छन्, 'यो चाहिँ दोषी हो । त्यो चाहिँ ठीक ! एउटासँग प्रेम छ, अर्कों संग रिस ।'

---