अनमोलको ‘कोको’ अब ‘ए मेरो हजुर ४’ मा

काठमाडाें : अनमोल केसीको इन्स्टा र फेसबुक स्टोरी पछ्याउनेलाई राम्रैसँग थाहा छ, अनमोल धेरै समय एउटा कुकुरसँग बिताउँछन् । अनमोलको त्यही कुकुर अब फिल्ममा पनि देखिने भएको छ । शनिबार ‘ए मेरो हजुर ४’को निर्माण टिमले फिल्मको फस्ट लुक सार्वजनिक ग-यो ।

सार्वजनिक फस्ट लुकमा अनमोल र सुहाना थापासँगै अनमोलले ‘कोको’ नाम राखेको सो कुकुर पनि अटाएको छ । फिल्ममा ‘कोको’ को उपस्थिति पोस्टरलाई रोचक बनाउन मात्र प्रयोग भएको होइन । फिल्ममा  ‘कोको’ का कारण अनमोल र सुहानाको भेट हुने र कथा अघि बढ्ने निर्माण  टिमले जनाएको छ । ‘कोको’ले यसअघि अनमोलसँग एनसेलको विज्ञापन पनि खेलेको थियो । 

---

फस्टलुकमा अनमोल पहिलोपल्ट रफ लुकमा देखिएका छन् । सुहाना भने अघिल्लो फिल्ममा झैं नर्मल लुकमा छिन् । दुवैले ‘कोको’लाई अघि राखेर हात समातेबाट पनि दुवैको सम्बन्धमा ‘कोका’ेको भूमिका महत्वपूर्ण हुने अनुमान गर्न सकिन्छ ।

झरना थापाको निर्देशन रहेको फिल्ममा सरोज खनाल, सलोन बस्नेत आदि कलाकारको अभिनय रहेको छ । फिल्ममा दुर्गेस थापाले केमियो गरिरहेका छन् । फिल्मका सबै सिरिजलाई सुनिल कुमार थापाले निर्माण गरेका हुन् ।