धोनीको बायोपिकमा सुशान्तसँग काम गरेका सन्दीपले गरे आत्महत्या, बाँच्‍ने इच्छा नभएको सुसाइड नोट

काठमाडौँ : केही समयअघि आत्महत्या गरेका बलिउड अभिनेता सुशान्तसिंह राजपुतका साथी सन्दीप नाहरले पनि आत्महत्या गरेका छन् । बीबीसी हिन्दीका अनुसार मुम्बई गोरेगाउँ घरभन्दा केही पर उनले आत्महत्या गरेका हुन् ।

यद्यपी आत्महत्याबारेमा थप अनुसन्धान भइरहेको मुम्बई प्रहरीले जनाएको छ । महेन्द्रसिंह धोनीको बायोपिकमा सुशान्त र सन्दीपले एकसाथ काम गरेका थिए ।

---

सामाजिक सञ्जाल फेसबुकमा सुसाइट नोट पोस्ट गरेर उनले आत्महत्या गरेको बिबिसीले हिन्दीले जनाएको छ । फेसबुकमा अब बाँच्‍ने इच्छा नभएको भन्दै सुसाइट नोट पोस्ट गरेको केही समयमै उनी पारिवारिक तनावमा रहेको वास्तविकता पनि खोलेका थिए । पारिवारिक तनावका कारण उनले आत्महत्या गरेको अनुमान गरिएको छ । 

सुशान्तसिंह राजपुतले पनि घरमै आत्महत्या गरेका थिए । उनले आत्महत्या गरेपछि अनुसन्धानका क्रममा लागुऔषध मुद्दामा बलिउडका अन्य कलाकार पनि मुछिएका थिए ।