आँचलले पाइन् वर, ‘वरवधु’मा विवेकसँग आँचलको जोडी

काठमाडौँ - ‘झिँगेदाउ’ रिलिजको पर्खाइमा रहेकी आँचल शर्माले मिलन चाम्सको निर्देशन रहने ‘वरवधु’ साइन गरेकी थिइन् । वधुको रुपमा आँचल फाइनल भए पनि निर्माण टिमले वरको खोजी गरिरहेको थियो । अन्ततः विवेक कर्माचार्यको रुपमा आँचलले वर भेटेकी छिन् ।

निर्माण टिमले बुधबार विवेक कर्माचार्यलाई आँचलको जोडीको रुपमा फाइनल गरेको खबर सार्वजनिक गरेको हो । विवेकले माला आर्ट एकेडेमीमा अभिनयको कोर्स सकाएको बताइएको छ । 

---

फिल्मको सुटिङ भने अनिश्चित छ । फिल्मको देशबाहिर पनि तीन ठाउँ सुटिङ हुने भएकाले सबै मिलाएर गर्दा समय लाग्ने अभिनेत्री आँचलले इकागजलाई बताइन् ।
‘हामी प्रिप्रडक्सनमा छौँ । विदेशमा पनि सुटिङ गर्नुछ । कोभिडका कारणले सबै ठाउँमा सुटिङ अनुमति पाउने सम्भावना छैन,’ उनले भनिन्, ‘सबै तयारी गरेर ठिक्क पारेपछि बल्ल सुटिङ गर्छौँ । केही समय लाग्छ ।’