माइती नेपालमा अनमोल, भन्छन् - सुन्दर मनसँग अनमोल पल’

काठमाडौँ - अभिनेता अनमोल केसीले माइती नेपालका विद्यार्थीसँग भेटघाट गरेका छन् । उनले मंगलबार बिहान माइती नेपालकी अक्ष्यक्ष अनुराधा कोइरालासँगै माइती नेपालका विद्यार्थीसँग अन्तक्र्रिया गरेको सामाजिक सञ्जालमा जानकारी गराएका छन् ।

उनले विद्यार्थीसँगको भेटघाट तथा अन्तक्र्रियालाई ‘सुन्दर मनसँग सुन्दर पल’ शीर्षकमा अभिव्यक्त गरेका छन् । उनले सिएनएन हिरो अनुराधा कोइरालासँगको भेटले पनि खुसी लागेको बताएका छन् ।

---

अनमोल अहिले ‘ए मेरो हजुर ४’को प्रचारमा लागेका छन् । वैशाख १ गते प्रदर्शन हुन लागेको यो फिल्मको केही दिनअघि मात्र ट्रेलर सार्वजनिक भएको थियो । वैशाख १ मा थप तीन विदेशी फिल्म आउने चर्चा छ । यसले अनमोलसँगै निर्माण टिम तनावमा छ । फिल्ममा अनमोलले सुहाना थापासँग दोस्रो पटक जोडी बाँधेका छन् ।