एकै साता दुई फिल्ममा हिमेश पन्त

काठमाडौँ- कमेडी च्याम्पियनको पहिलो सिजनका विजेता हिमेश पन्त एकै साता दुई फिल्ममा अनुबन्ध भएका छन् । च्याम्पियनको विजेता भएर पनि अवसर नपाएको भन्दै आफैँले आफूलाई रोस्ट गर्दै आएका पन्तले केही दिन अघि मिलन चाम्सको फिल्म 'वरवधु' साइन गरेका थिए । यसको केही दिनपछि नै उनले 'शमशेर' नामको फिल्म साइन गरेका हुन् ।

अभिनेता मनिष राउत र गौरव पहारीको मुख्य भूमिका रहने सिनेमा 'शमशेर'मा हिमेश पन्त र अभिनेता सुमन गौतम अनुबन्धित भएका हुन् । हाल सिनेमाको लागि मूख्य अभिनेत्रीको खोजी भैरहेको निर्माण टिमले जनाएको छ ।

---

एक्सन जनरामा निर्माण गरिनेमा फिल्ममा एभरेष्ट फिल्म एकेडेमी र डी आर डेनिमको व्यानरको लगानी रहनेछ । सिनेमामा अभिनय गर्न लागेका हिमेश र सुमनको भूमिका कस्तो रहनेछ भन्ने चाहिँ खुलाइएको छैन् । सार्वजनिक लुक्समा उनीहरुलाई निकै फरक चरित्रमा प्रस्तुत गर्न लागिएको बुझ्न सकिन्छ ।

सिनेमाको छायांकन काठमाडौँ, दुबई, सोलुखुम्बु र ढोरपाटनमा गरिनेछ । सीबड्र्स इन्टरटेनमेन्ट र धिरज प्रोडक्सनको सहकार्य रहने सिनेमामा सुमन थापा, सबिन शाक्य, रुपेश कार्की, रुपेश लामा, आशिस पराजुली लगायतका कलाकारको अभिनय हुनेछ । राकेश दाहालको पोस्टर डिजाइनर रहेको सिनेमाका गीतमा अर्जुन पोखरेलको संगीत रहनेछ ।