पहिलो तीन महिनामा नेटफ्लिक्सले गुमायो २ लाख ग्राहक

लसएन्जल्स - नेटफ्लिक्सले सन् २०२२को पहिलो ती महिनामा २ लाख ग्राहक गुमाएको तथ्यांक सार्वजनिक गरेको छ । मंगलबार कम्पनीको अवस्था सार्वजनिक गर्ने क्रममा पहिलो क्वार्टरमा २ लाख ग्राहकले नेटफ्लिक्सले छाडेको बताएको हो । कम्पनीले आउँदा ३ महिनामा पनि उति नै संख्यामा ग्राहक गुम्ने प्रक्षेपण गरेको छ । 

दस वर्षयता पहिलोपल्ट नेटफ्लिक्सले आफ्ना ग्राहक गुमाएको हो । कम्पनीले यसमा रुसको तथ्यांक समावेश नगरिएको जनाएको छ । रुस र युक्रेनबीच युद्ध सुरु भएपछि नेटफ्लिक्सले रुसबाट आफ्नो सेवा फिर्ता गर्ने निर्णय गरेको थियो ।

---

अन्यथा यहाँबाट ५ लाख सब्क्राइबर बढ्ने कम्पनीको अपेक्षा थियो ।कम्पनीले वर्षको सुरुमा भने साढे २ लाख ग्राहक बढ्ने प्रक्षेपण गरेको थियो । उता वाल स्ट्रिट एनालिस्टले २ लाख ८० हजार नयाँ ग्राहक कम्पनीमा जोडिने अनुमान गरेको थियो ।

तर सबै अनुमान विपरित कम्पनीले ग्राहक गुमाएको हो । नेटफ्लिक्सले प्रतिस्पर्धा बढ्नु र पासवर्ड बाँडीचुँडी हेर्न मिल्ने व्यवस्थालाई ग्राहक घट्ने मुख्य कारण मानेको छ । कम्पनीले ग्राहक लोभ्याउने अन्तिम हतियार नै कन्टेन्ट भएको बताउँदै यो सालका १८ अर्ब डलर फिल्म तथा सिरिजमा खर्चमा गर्ने लक्ष्य लिएको छ ।