बलिउड डेब्युको तयारीमा सचिन तेन्दुल्करकी छोरी सारा

काठमाडौँ-  भारतिय क्रिकेटर सचिन तेन्दुल्करकी छोरी सारा तेन्दुल्कर बलिवुड डेब्यु गर्ने तयारीमा रहेकी छिन्। सारा अभिनयमा एकदमै रुचि राख्ने गरेको र केहि ब्रान्ड इन्डोर्समेन्टमा समेत संलग्न रहेकी छिन्। स्रोतका अनुसार सारा अभिनय क्लासहरु पनि लिइरहेकी छिन् ।

सारा तेन्दुल्करले यस अघि लण्डन युनिभर्सिटीबाट मेडिकल शिक्षा अध्ययन गरेकी हुन्। सचिन तेन्दुल्करकी श्रीमति अन्जली मेहता सचिनसँग विवाह हुनु अघि डाक्टरको ट्रेनिङ लिएकी थिइन् ।

---

२४ वर्षीय सारा ग्ल्यामर वर्ल्डमा आफ्नो अभिनय करियरको सुरुवात चाँडै नै गर्ने स्रोतको दाबी छ । साराको बलिउड डेब्युमा सचिन र अन्जली पनि सकारात्मक रहेको समाचारहरुमा उल्लेख छ । साराले बलिउडमा डेब्युका लागि अभिनयको कक्षा पनि लिएकी थिइन् । एकाध वर्ष पहिले नै साराले साहिद कपुरको अपोजिटमा फिल्म खेल्न लागेको समाचार आएका थिए । तर उसबेला सारा अहिले पढाइमा केन्द्रित रहेकाले फिल्म खेल्न लागेको खबरमा कुनै सत्यता नभएको बताएका थिए ।